ໃນຕອນເຊົ້າ ວັນທີ 09 ສິງຫາ 2021 ສູນບໍລິຫານລັດດ້ວຍເອເລັກໂຕຣນິກ ຮ່ວມ ກັບຫ້ອງການກະຊວງ ຕສ, ໄດ້ຈັດກອງປະຊຸມ ສຳມະນາເຜີຍແຜ່ຂໍ້ຕົກລົງວ່າດ້ວຍການຄຸ້ມຄອງ ແລະ ບໍລິຫານເອກະສານ ຂອງກະຊວງ ຕສ, ໂດຍການເປັນປະທານຮ່ວມຂອງທ່ານ ນ.ຈິດຕະພອນ ຈັນສິລິລາດ, ຮອງຫົວໜ້າສູນບໍລິຫານລັດດ້ວຍເອເລັກໂຕຣນິກ ແລະ ທ່ານ ນ.ຈັນອົບ ສີຫາລາດ ຮອງຫົວໜ້າ ຫ້ອງການກະຊວງ ເຕັກໂນໂລຊີ ແລະ ການສື່ສານ, ໂດຍມີຜູ້ເຂົ້າຮ່ວມ ຈາກ 17 ກົມ ພາຍໃນກະຊວງ ຕສ ຈຳນວນທັງໝົດ 40 ທ່ານ.

ໃນຕອນເຊົ້າຂອງວັນທີ 05 ສິງຫາ 2021 ນີ້, ທີ່ບໍລິສັດດາວທຽມລາວ ເອເຊຍ-ປາຊີຟິກ ຈຳກັດ ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ລະຫວ່າງ ກະຊວງ ເຕັກໂນໂລຊີ ແລະ ການສື່ສານ (ກຕສ) ແລະ ບໍລິສັດ ດາວທຽມລາວ ເອເຊຍ-ປາຊີຟິກ ຈຳາກັດ ຂື້ນ. ໃຫ້ກຽດເຂົ້າຮ່ວມເປັນສັກຂີພະຍານໂດຍ ທ່ານ ປອ ສັນຕິສຸກ ສິມມາລາວົງ ຮອງລັດຖະມົນຕີກະຊວງ ຕສ, ທ່ານ ບຸນສະເຫຼີມໄຊ ເຄນນາວົງ ຮອງ ລັດຖະມົນຕີກະຊວງ ກຕ ແລະ ທ່ານ ຫຽມ ພົມມະຈັນ ປະທານສະພາບໍລິຫານບໍລິສັດດາວທຽມລາວ, ທ່ານ ຕິ່ງ ຢົງບິງ ຜູ້ອຳນວຍການໃຫຍ່ ບໍລິສັດດາວທຽມລາວ ພ້ອມດ້ວຍຄະນະກົມ/ທຽບເທົ່າ ອ້ອມຂ້າງກະຊວງ ຕສ ແລະ ຄະນະອຳນວຍການບໍລິສັດ ດາວທຽມລາວ ເອເຊຍ-ປາຊີຟິກ ຈຳກັດ.

ວັນທີ 7 ກໍລະກົດ 2021 ວຽງຈັນ - ກ່ອນການເກີດການລະບາດຂອງພະຍາດ ໂຄວິດ 19, ລັດຖະບານ ສປປ ລາວ ໄດ້ສະແດງເຖິງຄວາມຕັ້ງໃຈທີ່ເພີ່ມຂຶ້ນ ໃນວາລະການຫັນປ່ຽນເປັນລະບົບທັນສະໄໝ. ເຖິງຢ່າງໃດກໍ່ຕາມ, ການແຜ່ລະບາດຂອງພະຍາດ ໂຄວິດ 19 ໃນໄລຍະປີ 2020 ໄດ້ກະຕຸ້ນໃຫ້ເກີດມີການປ່ຽນແປງ ຊຶ່ງໄດ້ສ້າງແຮງຂັບເຄື່ອນພາຍໃນລັດຖະບານ ເພື່ອແກ້ໄຂບັນຫາດິຈິຕອນ ໃນຫຼາຍຂະແໜງການ ເພື່ອສະໜັບສະໜູນເສດຖະກິດ, ສັງຄົມ ແລະ ຊີວິດການເປັນຢູ່ຂອງປະຊາຊົນ. ເພື່ອບັນລຸຈຸດປະສົງນີ້, ມື້ນີ້ ກະຊວງ ເຕັກໂນໂລຊີ ແລະ ການສື່ສານ (MTC) ໄດ້ຮ່ວມມືກັບ ອົງການ ສະຫະປະຊາຊາດ ເພື່ອການພັດທະນາ (UNDP) ຈຶ່ງໄດ້ເປີດໂຕໂຄງການ ສະໜັບສະໜູນ ການຫັນເປັນລັດຖະບານທັນສະໄໝ ຂຶ້ນ ໃນມື້ນີ້ ຊຶຶ່ງເປັນນິມິດໝາຍການຮ່ວມມືກັນເພື່ອກ້າວໄປສູ່ການກຳນົດວາລະຫັນປ່ຽນເປັນລະບົບທັນສະໄໝ ຢູ່ໃນ ສປປ ລາວ.

ພິທີເຊັນສັນຍາ MOU ລະຫວ່າງ ສູນບໍລິຫານລັດດ້ວຍເອເລັກໂຕຣນິກ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ແລະ ບໍລິສັດ ລາວໂທລະຄົມມະນາຄົມ ມະຫາຊົນ

ໃນຕອນເຊົ້າ ວັນທີ 18 ມີນາ 2021, ສູນບໍລິຫານລັດດ້ວຍເອເລັກໂຕຣນິກໄດ້ຈັດ ກອງປະຊຸມສຳມະນາ ກຽ່ວກັບວຽກງານ ບໍລິຫານລັດດ້ວຍເອເລັກໂຕຣນິກ ໃຫ້ກັບພະແນກ ປທສ 08 ແຂວງພາກເໜືອ, ໂດຍການເປັນປະທານເປີດກອງປະຊຸມຂອງ ທ່ານ ປອ ທະວີສັກ ມະໂນທັມ, ເຊິ່ງມີຜູ້ເຂົ້າຮ່ວມຈາກ 08 ແຂວງ ພາກເໜືອ ແລະ ປທສ ນະຄອນຫຼວງວຽງຈັນ ຈຳນວນທັງໝົດ 31 ທ່ານ.

2021/02/12-11 ສູນບໍລິຫານລັດ ດ້ວຍເອເລັກໂຕຣນິກຈັດ ຝຶກອົບຮົມການຕິດຕັ້ງ ແລະ ນຳໃຊ້ລະບົບລາຍເຊັນເອເລັກໂຕຣນິກ (e-Signature) ຜ່ານລະບົບລະບົບຫ້ອງການທັນສະໄໝ (e-Office) ໃຫ້ຫົວໜ້າກົມ ແລະ ຮອງກົມ /ທຽບເທົ່າຂອງກະຊວງ ປທສ.

ໃນວັນທີ 9 ກຸມພາ 2021 ນີ້, ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໄດ້ຈັດກອງປະຊຸມເພື່ອໂຄສະນາຫາສຽງຂອງຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ ໂດຍມີບັນດາຜູ້ສະໝັກເປັນສະມາຊິກສະພາແຫ່ງຊາດ ຊຸດທີ IX ປະຈຳເຂດເລືອກຕັ້ງທີ 01 ນະຄອນຫຼວງວຽງຈັນ ມີພະນັກງານຈາກບັນດາກົມ/ທຽບເທົ່າ ກະຊວງ ປທສ ເຂົ້າຮ່ວມຈຳນວນທັງໝົດ 20 ທ່ານ ເຂົ້າຮ່ວມ ເພື່ອຮັບຟັງການໂຄສະນາຫາສຽງດັ່ງກ່າວ, ໃນນີ້ ມີຜູ້ສະໝັກຈາກ ກະຊວງ ປທສ ເຂົ້າຮ່ວມ 1 ທ່ານ ຄື ທ່ານ ພູຂົງ ຈິດຮູບໂລກ, ຄະນະພັກກະຊວງ, ຫົວໜ້າກົມແຜນການແລະການຮ່ວມມື, ຊຶ່ງເປັນບຸກຄົນທີ່ມີຄວາມຮູ້ຄວາມສາມາດສູງ ແລະ ມີປະສົບການເຮັດວຽກໃນຂະແໜ່ງ ປທສ ຫຼາຍກວ່າ 30 ປີ.

ໃນລະຫວ່າງ ວັນທີ 30 ພະຈິກ ຫາ ວັນທີ 23 ທັນວາ 2020, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ພາຍໃຕ້ການຊ່ວຍເຫຼືອຈາກ ອົງການສະຫະປະຊາຊາດເພື່ອການພັດທະນາ ປະຈຳ ສປປ ລາວ (UNDP) ໄດ້ຈັດຝຶກອົບຮົມການຕິດຕັ້ງ ແລະ ນຳໃຊ້ລະບົບການຈັດເກັບ ແລະ ນຳໃຊ້ເອກະສານຮ່ວມກັນຂອງພາກລັດ ໃຫ້ແກ່ບັນດາກະຊວງ ແລະ ອົງການຈັດຕັ້ງພັກ-ລັດ ຈຳນວນ 06 ພາກສ່ວນ

ໃນວັນທີ 3 ທັນວາ 2020 ຕາງໜ້າສູນບໍລິຫານລັດດ້ວຍເອເລັກໂຕຣນິກ ຈໍານວນ 1 ທ່ານ ໄດ້ເຂົ້າຮ່ວມກອງປະຊຸມອອນລາຍ ເພື່ອແລກປ່ຽນບົດຮຽນ ກ່ຽວກັບ ການຫັນເປັນດິຈິຕອນ ໃນກອງປະຊຸມອອນລາຍ ໃນຫົວຂໍ້ແລກປ່ຽນບົດຮຽນ ກ່ຽວກັບ ນະໂຍບາຍ ແລະ ໂຄງການ ທາງດ້ານດິຈິຕອນແຫ່ງຊາດ ໃນຍຸກສະໄໝໃໝ່ (CICC Online Conference on National Digital Policies and Projects in the New Normal Era) ຊື່ງຈັດຂື້ນໂດຍ ອົງການ CICC.