ໃນວັນທີ 16 ຕຸລາ 2020, ໄດ້ຈັດກອງປະຊຸມສຳມະນາ ກ່ຽວກັບ “ການຄຸ້ມຄອງຂໍ້ມູນດິຈິຕອນພາກລັດ (Digital Data Governance)” ລະຫວ່າງ ສູນບໍລິຫານລັດດ້ວຍເອເລັກໂຕຣນິກ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (Ministry of Post and Telecommunications) ຂອງ ສປປ ລາວ ຮ່ວມກັບ ຄະນະກຳມະການປົກປ້ອງຂໍ້ມູນສ່ວນບຸກຄົນ (Personal Data Protection Commission) ຂອງປະເທດ ສິງກະໂປ ໃນນາມເຈົ້າຂອງໂຄງການ ASEAN Working Group on Digital Data Governance.

ໃນຕອນເຊົ້າຂອງ ວັນທີ 06 ກັນຍາ 2020, ສູນບໍລິຫານລັດດ້ວຍເອເລັກໂຕຣນິກ ໄດ້ຈັດຊຸດຝຶກອົບຮົມ ການນຳໃຊ້ລະບົບການສື່ສານຂອງພາກລັດ (G-Chat) ແລະ ລະບົບການແຊ ແລະ ການນຳໃຊ້ເອກະສານຮ່ວມກັນຂອງພາກລັດ (G-Share, G-Drive), ຈັດຂື້ນທີ່ ສະຖາບັນເຕັກໂນໂລຊີ ສື່ສານຂໍ້ມມູນຂ່າວສານ (ຫ້ອງປະຊຸມໃຫ່ຍ-ຕຶກF). ພາຍໃຕ້ການເປັນປະທານເປີດງານ ໂດຍ ທ່ານ ນາງ ຈິດຕະພອນ ຈັນສິລິລັດ, ຮອງຫົວໜ້າສູນບໍລິຫານລັດດ້ວຍເອເລັກໂຕຣນິກ ກະຊວງໄປສະນີ,ໂທລະຄົມມະນາຄົມ ແລະ ການສື່ສານ. ການຈັດຝຶກອົບຮົມແມ່ນໄດ້ດຳເນີນໄປເປັນ 02 ຊຸດ, ຊຸດທີ 01 ແມ່ນວັນທີ 06-07 ຕຸລາ 2020 ຈັດຝຶກໃຫ້ 06 ກົມ/ທຽບເທົ່າ, ມີຈຳນວນມີຜູ້ເຂົ້າຮ່ວມຈາກ 32 ທ່ານ ແລະ ຊຸດທີ 02 ແມ່ນວັນທີ 08-09 ຕຸລາ 2020 ຈັດຝຶກອົບຮົມໃຫ້ 07 ກົມ/ທຽບເທົ່າ ແລະ ມີຜູ້ເຂົ້າຮ່ວມ ຫຼາຍກວ່າ 35 ທ່ານ.

ໃນຕອນເຊົ້າ ຂອງວັນທີ 08 ຕຸລາ 2020 ທີ່ຫ້ອງປະຊຸມ ຂອງສູນກາງສະຫະພັນກໍາມະບານລາວ ໄດ້ມີການຈັດກອງປະຊຸມເຜີຍແຜ່ ແລະ ສຳມະນາໃຫ້ຄວາມຮູ້ກ່ຽວກັັບລະບົບຫ້ອງການທັນສະໄໝ, ລະບົບບໍລິຫານລັດດ້ວຍເອເລັກໂຕຣນິກ ແລະ ມາດຕະຖານການນໍາໃຊ້ສື່ສັງຄົມອອນລາຍໃຫ້ຖືກຕ້ອງ. ໂດຍການເປັນປະທານຮ່ວມຂອງ ທ່ານ ພົມມາ ເທບພະວົງ ຫົວໜ້າຫ້ອງການ ສູນກາງສະຫະພັນກໍາມະບານລາວ ແລະ ທ່ານ ປະລິນຍາເອກ ທະວີສັກ ມະໂນທັມ ຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງໄປສະນີ ໂທລະຄົມມະນາຄົມ ແລະ ການສື່ສານ. ໂດຍມີ ຄະນະກົມ/ທຽບເທົ່າ, ຄະນະພະແນກ ແລະ ວິຊາການ ຂອງສູນກາງສະຫະພັນກໍາມະບານລາວ ເຂົ້າຮ່ວມທັງຫມົດ ຈຳນວນ 77 ທ່ານ ເປັນຍິງ 25 ທ່ານ.

ໃນຕອນເຊົ້າ ຂອງວັນທີ 07 ຕຸລາ 2020 ທີ່ຫ້ອງປະຊຸມສະພາທິດສະດີສູນກາງພັກ ໄດ້ມີການຈັດກອງປະຊຸມເຜີຍແຜ່ ແລະ ສຳມະນາກ່ຽວກັັບການຫັນເປັນທັນສະໄໝ ແລະ ລະບົບລັດຖະບານທັນສະໄໝ (Digital Government). ໂດຍການເປັນປະທານຮ່ວມຂອງ ທ່ານ ນາມ ວິຍະເກດ ແລະ ທ່ານ ສອນທະນູ ທໍາມະວົງ ກໍາມະການສູນກາງພັກ, ຮອງປະທານ ສະພາທິດສະດີສູນກາງພັກ, ແລະ ນໍາສະເໜີໂດຍ ທ່ານ ປະລິນຍາເອກ ທະວີສັກ ມະໂນທັມ ຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງໄປສະນີ ໂທລະຄົມມະນາຄົມ ແລະ ການສື່ສານ ພ້ອມດ້ວຍທີມງານ ແລະ ມີບັນດາຄະນະປະທານ, ສະມາຊິກສະພາ ແລະ ພະນັກງານຂອງ ສະພາທິດສະດີສູນກາງພັກເຂົ້າຮ່ວມ ຈຳນວນ 25 ທ່ານ, ຍິງ 02 ທ່ານ.

ໃນຕອນເຊົ້າ ຂອງວັນທີ 30 ກັນຍາ 2020 ທີ່ຫ້ອງສະໂມສອນ ຄະນະກວດກາສູນກາງພັກ ແລະ ອົງການກວດກາລັດຖະບານ ໄດ້ມີການຈັດກອງປະຊຸມເຜີຍແຜ່ ແລະ ສຳມະນາ ໃຫ້ຄວາມຮູ້ກ່ຽວກັັບການຫັນເປັນທັນສະໄໝ ແລະ ລະບົບລັດຖະບານທັນສະໄໝ (Digital Government). ໂດຍການເປັນປະທານຮ່ວມຂອງ ທ່ານ ສີໃນ ມຽງລາວັນ ຮອງປະທານຄະນະກວດກາສູນກາງພັກ ແລະ ອົງການກວດກາລັດຖະບານ ແລະ ທ່ານ ປະລິນຍາເອກ ທະວີສັກ ມະໂນທັມ ຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງໄປສະນີ ໂທລະຄົມມະນາຄົມ ແລະ ການສື່ສານ. ໂດຍມີບັນດາຄະນະປະທານ, ຄະນະກົມ/ທຽບເທົ່າ, ຄະນະພະແນກ ແລະ ວິຊາການ ພາຍໃນຄະນະກວດກາສູນກາງພັກ ແລະ ອົງການກວດກາລັດຖະບານ ເຂົ້າຮ່ວມທັງຫມົດ ຈຳນວນ 188 ທ່ານ, ຍິງ 71 ທ່ານ.

ສູນບໍລິຫານລັດດ້ວຍເອເລັກໂຕນິກ ຈັດກິດຈະກຳ ກິລາບານເຕະ ຍິງ-ຊາຍ ມິດຕະພາບ ລະຫວ່າງ ສູນບໍລິຫານລັດດ້ວຍເອເລັກໂຕຼນິກ(ສລອ) ແລະ ສູນ ອິນເຕີເນັດແຫ່ງຊາດ(ສອຊ) ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ.

ໃນວັນທີ 03 ກັນຍາ 2020, ໄດ້ມີກອງປະຊຸມສຳມະນາໃຫ້ຄວາມຮູ້ກ່ຽວກັບລະບົບບໍລິຫານລັດດ້ວຍເອເລັກໂຕຣນິກ ແລະ ການຫັນເປັນທັນສະໄໝຂອງລັດຖະບານ ທີ່ຫ້ອງປະຊຸມຄະນະໂຄສະນາອົບຮົມສູນກາງພັກ ໂດຍການເປັນປະທານຮ່ວມຂອງ ທ່ານ ນາງ ສົມພອຍ ພົມມະຈັກ ຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ ແລະ ທ່ານ ປະລິນຍາເອກ ທະວີສັກ ມະໂນທັມ ຫົວໜ້າສູນບໍລິຫານລັດດ້ວຍເອເລັກໂຕຣນິກ ກະຊວງໄປສະນີ ໂທລະຄົມມະນາຄົມ ແລະ ການສື່ສານ. ມີບັນດາຄະນະກົມ/ທຽບເທົ່າ, ຄະນະພະແນກ ແລະ ວິຊາການ ພາຍໃນຄະນະໂຄສະນາອົບຮົມສູນກາງພັກ ເຂົ້າຮ່ວມທັງໝົດ ຈຳນວນ 123 ທ່ານ ເປັນຍິງ 63 ທ່ານ.

ໃນວັນທີ 01 ກັນຍາ 2020, ສູນບໍລິຫານລັດດ້ວຍເອເລັກໂຕຣນິກ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດສຳມະນາເຜີຍແຜ່ ກ່ຽວກັບ ຂໍ້ຕົກລົງວ່າດ້ວຍ ລະບົບເຄືອຂ່າຍອິນເຕີເນັດຂອງກະຊວງ ປທສ ຂຶ້ນທີ່ ສະຖາບັນເຕັກໂນໂລຊີການສື່ສານຂໍ້ມູນຂ່າວສານ, ໂດຍການເປັນປະທານຂອງ ທ່ານ ປອ. ສົມໄພວັນ ແສງສຸຣິຍະ, ຮອງຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງ ປທສ ມີຕາງໜ້າຈາກບັນດາກົມ/ທຽບເທົ່າອ້ອມຂ້າງກະຊວງ ປທສ ເຂົ້າຮ່ວມ.