ໃນຕອນບ່າຍວັນທີ 25 ພຶດສະພາ 2022, ສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ໄດ້ຈັດຝຶກອົບຮົມການຕິດຕັ້ງ, ນຳໃຊ້ລະບົບການຈັດເກັບ ແລະ ນຳໃຊ້ເອກະສານຮ່ວມກັນ(G-Share, G-Drive) ແລະ ລະບົບແຊັດຂອງພາກລັດ(G-Chat) ຂອງພາກລັດໃຫ້ແກ່ກະຊວງ ຍຸຕິທຳ ພາຍໃຕ້ການເປັນປະທານຂອງທ່ານ ທ່ານ ແສງພະຈັນ ວົງໂພທອງ ຮອງຫົວໜ້າຫ້ອງການ, ແລະ ມີຜູ້ເຂົ້າຮ່ວມຈາກ 11 ກົມ/ທຽບເທົ່າ, ຈຳນວນທັ້ງໝົດ 46 ທ່ານ ແລະ ຜູ້ເຂົ້າຮ່ວມຈາກ ສູນ ສລດ, ກະຊວງ ເຕັກໂນໂລຊີ ແລະ ການສື່ສານ ຈຳນວນ 05 ທ່ານ.

ໃນວັນທີ 24 ພຶດສະພາ 2022, ສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ໄດ້ຈັດຝຶກອົບຮົມການຕິດຕັ້ງ, ນຳໃຊ້ລະບົບການຈັດເກັບ ແລະ ນຳໃຊ້ເອກະສານຮ່ວມກັນ ແລະ ລະບົບ ຂອງພາກລັດ ໃຫ້ແກ່ ກະຊວງ ກະສິກຳ ແລະ ປ່າໄມ້ ພາຍໃຕ້ການເປັນປະທານຂອງ ທ່ານ ບົວຈັນ ສີຫາວົງ ຮອງຫົວໜ້າຫ້ອງການ, ແລະ ມີຜູ້ເຂົ້າຮ່ວມ ຈຳນວນທັ້ງໝົດ 35 ທ່ານ ແລະ ນັກວິທະຍາກອນ (ຄູຝຶກ) ຈາກ ສູນບໍລິຫານລັດດິຈິຕອນ, ກະຊວງເຕັກໂນໂລຊີ ແລະ ການສື່ສານ ເຂົ້າຮ່ວມ ຈຳນວນ 03 ທ່ານ.

ໃນວັນທີ 19 ພຶດສະພາ 2022, ສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ໄດ້ຈັດຝຶກອົບຮົມການຕິດຕັ້ງ, ນຳໃຊ້ລະບົບການຈັດເກັບ ແລະ ນຳໃຊ້ເອກະສານຮ່ວມກັນ (G-Share, G-Drive) ໃຫ້ແກ່ ອົງການກວດສອບແຫ່ງລັດ ພາຍໃຕ້ການເປັນປະທານຂອງທ່ານ ທ່ານ ເຄນ ລໍວັນໄຊ ຮອງປະທານອົງການກວດສອບແຫ່ງລັດ, ແລະ ມີຜູ້ເຂົ້າຮ່ວມ 11 ກົມ/ທຽບເທົ່າ, ຈຳນວນທັ້ງໝົດ 107 ທ່ານ ແລະ ມີຄະນະຄູຝຶກຈາກ ສູນບໍລິຫານລັດດິຈິຕອນ ເຂົ້າຮ່ວມ. ຈໍານນວນ 5 ທ່ານ.

ໃນວັນທີ 11 ເມສາ 2022 ຜ່ານມານີ້, ໄດ້ມີພິທີເປີດນຳໃຊ້ ແອັບລາວແຊັດ (LoudChat) ຂື້ນຢ່າງເປັນທາງການທີ່ໂຮງແຮມແລນມາກ ພາຍໃຕ້ການເປັນປະທານຮ່ວມເປີດງານໂດຍ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແລະ ທ່ານ ບັນດິດ ສຈ ບໍ່ວຽງຄຳ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ(ກະຊວງ ຕສ) ໂດຍມີ ຮອງລັດຖະມົນຕີ, ຫົວໜ້າຫ້ອງການ ແລະ ຫົວໜ້າກົມ/ທຽບເທົ່າ ພາຍໃນກະຊວງ ຕສ ແລະ ແຂກຖືກເຊີນຈາກພາຍນອກເຂົ້າຮ່ວມໃນພິທີດັ່ງກ່າວ.

2022 ມີນາ 04 ຜ່ານມານີ້, ໜ່ວຍແມ່ຍິງ ສູບໍລິຫານລັດດິຈິຕອນ ໄດ້ເຂົ້າຮ່ວມພິທີມອບ-ຮັບການຢັ້ງຢືນຮັກສານາມມະຍົດທຸງໄຊ, ໃບຍ້ອງຍໍ ແລະ ໃບຊົມເຊີຍໃຫ້ກົມກອງລວມໝູ່ ແລະ ບຸກຄົນທີ່ມີຜົນງານດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ສະໄໝທີ VII (2016-2020) ທີ່ຫ້ອງປະຊຸມກະຊວງ ເຕັກໂນໂລຊີ ແລະ ການສື່ສານ(ກຕສ).

ສູນບໍລິຫານລັດດ້ວຍເອເລັກໂຕຣນິກ (ສລອ), ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການສະຫະປະຊາຊາດ ເພື່ອການພັດທະນາ ປະຈຳ ສປປ ລາວ (UNDP), ໄດ້ຈັດກອງປະຊຸມ​ສໍາມະນາ ກ່ຽວກັບການປະເມີນຄວາມພ້ອມດ້ານດີຈີຕອນ (Digital Maturity Assessment - DMA) ຂຶ້ນ ໃນວັນທີ 05 ພະຈິກ 2021 ທີ່ ໂຮງແຮມລາວພລາຊາ, ນະຄອນຫຼວງວຽງຈັນ, ໃນຮູບແບບເຄິ່ງອອນລາຍ, ໂດຍການເປັນປະທານຮ່ວມຂອງ ທ່ານ ປອ. ສົມໄພວັນ ແສງສຸຣິຍະ, ຮອງຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງ ຕສ ແລະ ທ່ານ ຈັດທະລາດ ປອງມາລາ, ຫົວໜ້າທີມງານ ຕ່າງໜ້າອົງການສະຫະປະຊາຊາດ ເພື່ອການພັດທະນາ ປະຈຳ ສປປ ລາວ. ມີຕ່າງໜ້າບັນດາກະຊວງ, ບັນດາແຂວງ, ອົງການສະຫະປະຊາຊາດ ເພື່ອການພັດທະນາ ປະຈຳ ສປປ ລາວ ແລະ ຊ່ຽວຊານທີ່ປຶກສາ ລວມທັງໝົດຈຳນວນ 56 ທ່ານ.

ສູນບໍລິຫານລັດດ້ວຍເອເລັກໂຕຣນິກ (ສລອ), ກະຊວງ ເຕັກໂນໂລຊີ ແລະ ການສື່ສານ ໄດ້ຈັດງານປະຊຸມສໍາມະນາ ກ່ຽວກັບ ການແລກປ່ຽນບົດຮຽນດ້ານໄອຊີທີ ຮ່ວມກັບ ອົງການ National Information Society Agency (NIA), ສ. ເກົາຫຼີ. ໃນຫົວຂໍ້ “ຍຸດທະສາດການພັດທະນາເສດຖະກິດ-ສັງຄົມ ແບບດີຈີຕອນ (Strategies for Socio-Economic Development Through Digital Transformation in Lao PDR)” ເຊິ່ງໄດ້ຈັດຂຶ້ນ ໃນວັນທີ 26 ຕຸລາ 2021 ຢູ່ ໂຮງແຮມ ລາວພລາຊາ ແລະ ຜ່ານທາງລະບົບກອງປະຊຸມທາງໄກ. ໂດຍການເປັນປະທານຮ່ວມ ຕາງໜ້າຈາກຝ່າຍລາວແມ່ນ ທ່ານ ປອ. ທະວີສັກ ມະໂນທັມ, ຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງເຕັກໂນໂລຊີ ແລະ ການສື່ສານ, ຕາງໜ້າຈາກຝ່າຍ ສ. ເກົາຫຼີ ແມ່ນ ທ່ານ Jaeho Lee ຮອງປະທານ ຂອງອົງການ NIA. ເຊິ່ງມີຜູ້ເຂົ້າຮ່ວມ: ຕາງໜ້າຈາກ ບັນດາກົມ/ທຽບເທົ່າ ພາຍໃນ ກະຊວງ ຕສ, ອົງການ Korea International Cooperation Agency (KOICA), ອົງການໄອຍະການປະຊາຊົນສູງສຸດ, ຕາງໜ້າຈາກ 09 ກະຊວງກ່ຽວຂ້ອງ, ອົງການຈັດຕັ້ງພາກລັດຕ່າງໆ ແລະ ຈາກຝ່າຍຂອງ ສ. ເກົາຫຼີ, ເຂົ້າຮ່ວມລວມທັງໝົດຈຳນວນ 50 ທ່ານ.

ກະຊວງ ເຕັກໂນໂລຊີ ແລະ ການສ ື່ສານ (ກຕສ) ໄດ້ຈັດງານປະຊຸມສໍາມະນາ ກ່ຽວກັບ Blockchain ພາຍໃຕ້ ໂຄງການ “Blockchain for Digital Government - the ASEAN Way” ຜ່ານລະບົບກອງປະຊຸມທາງໄກ (ອອນ ລາຍ) ຮ່ວມກັບ ບັນດາປະເທດສະມາຊິກອາຊຽນ ເຊິື່ງໄດ້ຈັດຂ ຶ້ນ ໃນວັນທີ 13 ຕຸລາ 2021, ໂດຍການເປັນປະທານ ຂອງ ທ່ານ ປອ. ທະວີສັກ ມະໂນທັມ, ຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງເຕັກໂນໂລຊີ ແລະ ການສ ື່ສານ. ໂດຍມີຜູ້ຕາງໜ້າຈາກປະເທດສະມາຊິກອາຊຽນ, ກອງເລຂາອາຊຽນ, ບັນດາກົມພາຍໃນກະຊວງ ຕສ, ບັນດາກະຊວງອ້ອມ ຂ້າງ, ອົງການຈັດຕັຶ້ງພາກລັດ ແລະ ບັນດາບໍລິສັດໄອຊີທີຕ່າງໆ ໃນລາວ ລວມທັງໝົດ 78 ທ່ານ

ໃນຕອນບ່າຍຂອງວັນທີ 26 ສິງຫາ 2021 ຮາກຖານກຳມະບານ ສູນບໍລິຫານລັດດ້ວຍເອເລັກໂຕຣນິກ (ສລອ) ໄດ້ຈັດກອງປະຊຸມ ເປີດບັ້ນຂະບວນການຈັດຕັ້ງປະຕິບັດຂໍ້ແຂ່ງຂັນ 05 ເປັນເຈົ້າ ຂອງຮາກຖານ ກຳມະບານ ສລອ ປະຈຳປີ 2021, ທີ່ ຕຶກ F ຂອງສະຖາບັນເຕັກໂນໂລຊີການສື່ສານຂ່າວສານ, ກະຊວງ ຕສ, ພ້ອມທັງ ໃຫ້ຜູ້ເຂົ້າຮ່ວມສາມາດ ເຂົ້າມາຕິດຕາມກອງປະຊຸມດັ່ງກ່າວ ທາງ Online ຜ່ານລະບົບ Video Conference. ໂດຍການ ເປັນປະທານຮ່ວມ ຂອງ ສະຫາຍ ຄໍາໄມ ແພງວົງສາ ຮອງປະທານ, ປະທານກວດກາ, ຫົວໜ້າຊີ້ນໍາວຽກຂະບວນການ 05 ເປັນເຈົ້າ ສະພັນກໍາມະບານ ກະຊວງ ເຕັກໂນໂລຊີ ແລະ ການສື່ສານ, ສະຫາຍ ປອ ທະວີສັກ ມະໂນທັມ ເລຂາໜ່ວຍພັກ ສລອ ແລະ ສະຫາຍ ພູຊະນະ ສິລິວົງ ປະທານຮາກຖານກຳມະບານ ສລອ. ໂດຍມີຜູ້ເຂົ້າຮ່ວມ ຈາກກຳມະບານຮາກຖານ ສູນບໍລິຫານລັດດ້ວຍເອເລັກໂຕຣນິກ, ແຂກ ອ້ອມຂ້າງກະຊວງ ຕສ ຈຳນວນ 30 ທ່ານ ແລະ ຜູ້ເຂົ້າຮ່ວມຮັບຊົມ ແບບ Online 15 ທ່ານ (ບັນຊີລາຍຊື່) ຈາກພາຍໃນສູນ ແລະ ບັນດາກົມ ລວມທັງໝົດ 45 ທ່ານ. ເຊີ່ງມີເນື້ອໃນ ແລະ ລາຍລະອຽດດັ່ງລຸ່ມນີ້: ກອງປະຊຸມໄດ້ ລາຍງານສະພາບລວມຂອງ ຮາກຖານກຳມະບານ ສູນບໍລິຫານລັດດ້ວຍເອເລັກໂຕຣນິກ ປະກອບມີ ມີສະມາຊິກ ທັງໝົດ 38 ສະຫາຍ, ຍິງ 15 ສະຫາຍ. ໃນນັ້ນມີຄະນະສະຫະພັນກໍາມະບານກະຊວງ ຕສ 01 ສະຫາຍ, ມີຄະນະບໍລິຫານງານ ຮາກຖານ 03 ທ່ານ, ມີ 02 ໜ່ວຍ ເຊີ່ງແຕ່ລະໜ່ວຍປະກອບມີ 02 ຈຸ.